“Өрт қауіпсіздік ережелерін сақтау” тақырыбында колледж студенттеріне қауіпсіздік сағаты өткізілді.

Бұл қауіпсіздік сағаты студенттерге өрт қатері төнген жағдайда қандай әрекеттер жасау жөнінде нұсқаулық беру;

өрттің шығу себептері ,алдын алу шараларын және одан сақтану жолдарын түсіндіру мақсатында өткізілді. Өрт қауіпсіздігі – адамдардың өмірі мен мүлкін қорғау үшін ерекше маңызды мәселе, және әрбір студенттің бұл саладағы білімін арттыру өте қажет.

Қауіпсіздік сағаты барысында төмендегідей негізгі тақырыптар қарастырылды:

1. Өрт қауіпсіздігіне қатысты негізгі ережелер: Студенттерге өрттің шығу себептері, өртті болдырмау үшін қабылдануы тиіс алдын алу шаралары, өрт кезінде әрекет ету тәртібі туралы толық ақпарат берілді.

2. Өрт кезінде алғашқы көмек көрсету: Өрт кезінде зардап шеккендерге алғашқы көмек көрсету әдістері, жедел түрде құтқару шараларын қабылдау қажеттілігі мен маңызды қадамдар түсіндірілді.

3. Өрт сөндіру құралдары: Өрт сөндіргіштер, су және басқа да өртке қарсы құралдардың қолданылуы жөнінде толық ақпарат ұсынылды. Сонымен қатар, әрбір студенттің өрт сөндіру құралдарын қолдану дағдыларын меңгеруі керек екендігі атап өтілді.

4. Қауіпсіздік шаралары оқу орындарында: Колледжде өрт қауіпсіздігін қамтамасыз ету үшін қандай шаралар қолданылуы қажет екендігі айтылды, мысалы: эвакуация жолдары, өрт дабылы жүйесі, өрт сөндіру құралдарының орналасуы мен оларды тексеру.