Білім алушылардың бойында адалдық, әділдік, парасаттылық, жауапкершілік сияқты адамгершілік қасиеттерді қалыптастыру, қоғамда сыбайлас жемқорлыққа қарсы мәдениетті дамыту, дұрыс өмірлік ұстаным мен мінез-құлықты тәрбиелеу мақсатында ағымдағы жылы 22 сәуір сағат 10.00-де “Ақтөбе облыстық арнайы “мектеп-интернат-колледж” кешені КММ-де бірыңғай «Адалдық сағаттары» өткізілді.

 

Орта буын тәрбиешілері «Адалдық жүрген жерде адамдық жүреді» атты тәрбие сағатын өткізіп, ҚР Сыбайлас жемқорлыққа қарсы агенттігінің Ақтөбе облысы бойынша департаменті дайындаған бейнеролик көрсетілді. Бейнеролик ым-ишара тілінде оқушыларға түсіндіріліп, А.Құнанбаев, Әл-Фарабидің, Б.Момышұлының, М.Жұмабаевтың парасаттылық, әділдік туралы ойлы пікірлерімен қорытындыланды.

 

Жаңа заман жастары біліммен қатар адалдық, парасаттылық, әділдік пен сенім деген адами құндылықтарды да бойына сіңіруі қажет. Себебі, осы асыл қасиеттер дамыған ортада сыбайлас жемқорлыққа жол жоқ.

 

• 
• 
• 
•